Qyfyre, rreka dhe romuze

[Exp]

(Duke marrë shkas nga ky postimi këtu thashë se një temë e tillë na nevojitej)
Pra meqë e kishim tek qyfyret, le të shohim nëse i dimë dhe këto fjalë të tjera që kanë lidhje me shakanë.
Shakatë ndahen në shaka pa zarar dhe shaka me zarar. Te shakatë me zarar mund të fusim gjepurat dhe fjalë të kota.

 

[Exp]

Qyfyre rreka dhe romuze

BEND Shpoti, fjalë e thënë me thumb; fjalë të kota, gjepura
HEDHURAZI Me të hedhur; me romuze, me shpoti, me thumba.
GAXHI Shaka, Shpoti, tallje.
GAZ Shaka, tallje, hoka, shpoti.
GAZELE Shaka.
HOKË shaka; tallje, shpoti zakonisht pa të keq.
JARANI Shaka midis shokësh e miqsh të ngushtë.
KALAMBUR Fjalë a shprehje të njëjta ose të ngjashme nga tingëllimi, por me kuptime të ndryshme, që përdoren për të bërë shaka;
OJNË Lëvizje, sjellje ose e folur me naze për të tërhequr vëmendjen e të tjerëve ose për t'u pëlqyer atyre; shaka, lojë.
QATËR Ngacmim për të qeshur me dikë, shpoti për të ngacmuar dikë.
MAHI Shaka; shpoti, qesëndi.
QESËNDI Qëndrim tallës që shprehet me fjalë thumbuese, shpoti;
ROMUZ Fjalë e thënë tërthorazi me shaka ose për të thumbuar dikë, fjalë me thumb; shpoti.
QYFYR Shaka, fjalë për të qeshur; ndodhi që tregohet ose veprim për t'u zbavitur; hokë.
RREKË Dredhi; shaka, shpoti duke ia hedhur tjetrit.
RROME Fjalë që thuhet kot ose për shaka; shaka e shprehur në vargje.
RRURËZ Fjalë a shprehje që thuhet për shaka; ngjarje e shkurtër që tregohet për të qeshur.
SHPOTI Tallje, përqeshje; qesëndi.
SHAKA Fjalë që thuhen për të qeshur e për t'u zbavitur në një rreth të njohurish, shokësh a miqsh
THUMB Thënie që të ther, që të prek të lëndon, fjalë që të djeg; e folur me të keq e tërthorazi; shaka, tallje etj. që bëhet për të ngacmuar dikë.

 

[Exp]

FJALË TË KOTA, GJEPURA & DOKRRA

ADËR Gjepura, profka; shaka, hoka.
GËZHDALLË Gjepura, profka
MAKLLADA Dokrra, profka, gjepura.
PROFKË Fjalë të kota e të gënjeshtërta, dokrra, gjepura, pallavra
XEXERICA Gjepura profka.
BËRDOKULL Fjalë të kota, gjepura, dokrra.
DËNGLA Lëvdata me fjalë të bukura e të mëdha, por pa vlerë; gjepura, pallavra.
DËRDËLLITJE Fjalë të kota, gjepura.
DOKËRR Fjalë boshe, fjalë të kota, gjepura,
GËRBULË Dokrra, dëngla, gjepura.
GËZHDALLË Gjepura, profka.
GORRICË Fjalë të kota, pallavra, broçkulla, gjepura.
GJEPUR Fjalë boshe, pa kuptim; diçka që thuhet në kundërshtim të hapët me të vërtetën, diçka fare pa vlerë e pa dobi; dokrra, pallavra.
KAÇKARITJE Premtim i rremë; fjalë e kotë për të mashtruar dikë
MBROÇKULL Fjalë të kota, gjepura, dokrra; punë e kotë dhe e padobishme; diçka e papëlqyer.
PALLAVRA Fjalë të kota e të zbrazëta, dokrra, gjepura.
PËRRALLË gjepura, dokrra; premtime të kota
PËRRALLISJE Fjalë të shumta e pa rëndësi; gjepura, përralla.
PORDHË Fjalë të kota, pallavra, gjepura; punë boshe
RRAKATEM Flas kot e kuturu, them gjëra pa lidhje e pa kuptim, them gjepura.
LEHUR Fjalë të kota e të këqija për dikë a për diçka, llomotitje, shpifje, sharje.
LLOMOTAR Ai që thotë fjalë të shumta e të kota. Që llomotitë për dikë.
LLOMOTI Fjalë të shumta e të kota që thuhen për dikë a për diçka, llomotitje; thashetheme.
LLOMOTITJE Fjalë të shumta a të kota dhe pa përgjegjësi, që thuhen për dikë a për diçka; fjalë të këqija, shpifje; thashetheme.
PROÇKAMADH Që bën proçka gjithnjë; që thotë gjithnjë fjalë të kota e të papeshuara.
KOPALLA Fjalë të kota, fjalë boshe, pallavra, dokrra.

 

[Zhan D’Ark]

Interesnate, ka shumeqka per te mesuar.
D.m.th kur dikujt i japim para trenit (pampurit) themi ne me lavde te medha, i bejme DËNGLA!
E kur i themi dikuj prit se jam duke ardhe e nuk dukemi gjekundi, atehere i bejme KAÇKARITJE!

 

[Dr. Luka]

Shumë artikull interesantë. Por në gjithë këto shpjegime për qyfyre nuk ke referuar edhe Lloqe?
Kjo madje duhet të ishte e para fare. Nuk besoj se nuk ke dëgjuar ndonjëherë lloqe kavaje?

 

[Zoe]

Ca fjale ..kackaritje lol
Mos e ka fjalen per kakarisje