Edhe diçka tjetër, me këtë forum duam që edhe pas 10 apo 20 vjetësh (le të jemi mirë) kur dikush të kërkojë në këtë forum, përveç disa temave si çit-çat të gjejë diçka me vlerë për të lexuar dhe jo budallallëqet. Shumica e forume janë kthyer në lloqe kavaje.
Por jo vetëm kaq, nëpërmjet forumit bisedojmë dhe flasim për çështje dhe tema që na interesojnë. Nuk kopjomë lajme nga faqe të ndryshme që t'i ngjisim këtu për të thënë që ja kemi edhe një postim (ndonjëherë nëse nevojitet edhe kjo duhet bërë, por kjo nuk është se bëjmë këtë vazhdimisht.) Gjithashtu është një platformë të promovojmë Shqipopedian, projektet e saj si edhe faqet mike (70% e vizitorëve janë organikë). Të njëjtën gjë e kemi lejuar edhe për faqe të ndryshme shqiptare, nëse një faqe ja vlen dhe s'është spam, mund të promovohet këtu.
Megjithatë vlen për t'u shënuar se në të gjitha faqet tona në fb nëse dikush dërgon një mesazh merr përgjigje automatike që të hapë një temë këtu që të marrë përgjigje, dhe 99% përqind e tyre nuk e bëjnë këtë gjë.
(S'do të vish? Mirë.
Do të vish? Akoma më mirë.
Do të rrish? Mirë fare.
)
Nga forumet tani me sa kam parë mund të them se vetëm ITshqip dhe Netedy kanë trafik. Netedy ka trafik më shumë dhe është kryesisht për biseda shoqërore, ndërsa ITshqip është e profilit webmaster dhe mjaft cilësore.
Një tjetër arsye për forumin është që të mbajmë kontakt me njëri-tjetrin dhe të informohemi për gjëra që nuk i dëgjojmë në vende të tjera.
Anëtarët nuk po i përmendim se 97% nuk janë aktivë. Idealja do ishte të ishim bërë një grup nja 15 veta dhe do ishim më mirë.
Gjithsesi forumi së shpejti mbush 3 vjeç, dhe ka mbi 700 tema dhe 5000 komente, që i bie 5 komente ditën, dhe 0.7 tema në ditë.
